【本報訊】董建華高票當選全國政協副主席，民主黨立法會議員張文光認為，這只是政協委員舉手「交足功課」的結果，「冇人會相信董建華高票當選係因為佢嘅能力」。張又形容，「呢個係中國畀董建華最後嘅大紫荊勳章」，董建華在中央是不會有實權。45條關注組成員湯家驊質疑，董建華是否可以履行政協副主席的職責。
湯家驊表示，他曾讀過政協的憲章，當中寫明政協這組織有責任發展民主，批評監督政府，董建華能否做到這兩點，還有待日後觀察。他又指，「大家都知呢類選舉係點投票，每樣都係預先安排好，香港人只可以隔岸觀火，結果係冇乜參考意義。」
民間團體也批評選舉結果。民間人權陣線副召集人孔令瑜批評，政協副主席的選舉是比小圈子更小圈子的選舉，「董建華連特區都搞唔掂，又點夠能力處理十三億人口嘅事務？連香港都搞唔掂，做國家領導人係累埋國家。」
孔令瑜又指，董建華做政協副主席表面上是升職，但大家心知肚明，知道其實是明升暗降。