方力申入行以來傳過三段緋聞，第一段與李彩華，第二段與鄧麗欣，第三段亦是最令人津津樂道的鍾欣桐（阿嬌），前兩段感覺總是其公司的宣傳伎倆，相信阿嬌才是Alex的真命天子，連續兩年的農曆年，他倆均結伴外遊，看來二人感情已非常穩定，但Alex每次提到阿嬌時總欲言又止，與平時健談的他截然不同，似是不想提及太多，怕影響二人的感情。
問Alex現在有沒有拍拖？他想了良久，問他是否不想講大話？他坦言：「咁梗係唔想講大話啦，我唔會答有冇拍拖，我只可以講同佢（阿嬌）係好朋友。」問到同阿嬌有沒有發展機會？Alex竟說：「我冇諗過呢個問題，總之係好朋友，我知道自己做緊乜，好似去旅行俾人影到相，我哋都有心理準備。」
問Alex的理想女友需要具備甚麼條件？他說：「最好係可以情緒穩定，唔使我擔心，因為我自己都咁忙，希望佢可以照顧到自己，咁就最好。」問到他對阿嬌的印象？Alex謂：「做事好認真，好男仔嘅一個女仔囉，唔似外表咁柔弱，好似佢最近拍咗套打片，佢都話打得好辛苦，但佢又好鍾意拍打戲，呢種性格好難得。」Alex形容阿嬌擁有男孩性格又不怕辛苦，即是可以照顧自己啦，豈不是與他的理想女友條件不謀而合。
問到他是不是一個很需要愛情的人？Alex坦言：「其實我唔係好需要愛情嘅人，有就梗係好啦，咁我重有家人同朋友呢。」
方力申是一個家庭觀念很重的人，所以他表示將來一定會結婚，還要生三個小孩。
感激屋企人
Alex笑言：「響應曾蔭權話要生三個嘛，我一定有信心教好我啲仔女，一定會抽時間陪住佢哋成長，好似我父母咁，我屋企由細到大都冇工人，雖然佢哋要工作，但都會成日抽時間陪我哋，所以結婚之後一定會減少工作。」
最近因為他和阿嬌的緋聞，連Alex的父母都成為傳媒追訪的對象，Alex對此亦感到歉意，他說：「一人做事一人當，我當然唔想搞到屋企人，不過佢哋一直都好支持我，重成日鼓勵我，我真係好感激佢哋。」
