方力申自入行以來發展順利，成為歌影視三棲藝人，其經理人黃柏高表示方力申成為最受歡迎男歌手指日可待，而方力申早前被拍得與鍾欣桐結伴外遊，二人戀情曝光，可謂事業愛情兩得意。
方力申（Alex）最近與鍾欣桐的緋聞鬧得熱烘烘，Alex頓時成為傳媒的焦點，就在這個時候他的經理人黃柏高（Paco）向外說要將Alex捧為○七至○八年最受歡迎男歌手，問Alex會不會感到很大的壓力，又有沒有信心做到Paco的期望呢？
Alex坦言：「其實壓力唔止淨係來自Paco對我嘅期望，其實自從讀完書，由運動員到全情投入做歌手，已經慢慢感覺到壓力。」
Alex不諱言自己是一個非常幸運的歌手，他說：「入行以來我都算幾順利，有好多唔同機會，所以𠵱家我就希望每年都有一啲代表作，未來幾年對我好重要，我唔知可唔可以接到棒，但我希望每一年嘅頒獎禮上都可以有成績。」
對於Paco的寵愛，Alex亦深深體會到，他說：「Paco亦同我講全公司同事都好錫我，我亦都睇到報紙Paco對我嘅期望，所以我會盡量配合，有冇信心○七年可以攞到男歌手獎？我寧願攞唔到，但可以喺呢行長做長有，我覺得四十歲先攞到都冇所謂，要有咁嘅能力人哋先會認同，要做好本份。」
憶起兒時參加游泳比賽時，Alex總是第二名，他父親的朋友便對Alex父親說：「方力申都係二奶命。」但後來他愈游愈好，經常得到第一，Alex謂：「我都有啲認同係二奶命，好似永遠都有人喺我前面，好似當年做新人，就有周杰倫，不過我覺得做第二都唔係唔好，咁前面嗰個咪係我目標囉，最終我都會做到第一，好似我游水咁，努力付出就會有好成績。」
採訪：胡比
攝影：陳慧安
Hair：VincePang@IIColpo
Makeup：DeborahVaughan
服裝：I.T
