梁洛施（Isabella）和陳宇琛昨日在銅鑼灣擔任「2005adidas三人街頭籃球賽」開球禮的頒獎嘉賓，慶祝銅鑼灣駱克道行人專用區搖身變為籃球場。
身材高䠷的Isabella原來兒時是一名籃球員，她說：「我細個都有打籃球，因為我想增高，不過到十一歲我就唔敢打，因為我驚自己會再高。雖然細個球技麻麻，但都入到校隊。」不少豆芽夢都是在球場開始，Isabella坦承小三已經在球場偷望心儀的男仔，她說：「運動員係有活力啲，以前一放學就去球場。當時我暗戀一個男仔，佢都知，但係冇開始，因為佢有女朋友，而且佢中二，我小三，年紀相距咁遠。而嗰時就因為我放學成日去球場，冇返屋企，我媽就靜雞雞去搵我，重拆穿我偷望男仔。」