寶馬推出全新3系車輛，昨日在灣仔舉行發布會，名模陳嘉容、李嘉慧和楊崢等出席活動，構成香車美人的悅目畫面，昨晚更舉行大型派對。大會昨日隆重其事請來高志森以數百萬布置舞台，台中有個十五呎長、三呎深槽，營造特別效果，但昨日完騷後，有記者不慎跌落坑中。
陳嘉容揚言會特別小心，她說：「我試過行catwalk一出場有一小級冇留意，即場仆低，惟有若無其事咁爬起身，好淡定咁繼續行。」
提到周汶錡成立模迷會，陳嘉容說：「我都有一班固定模迷，有對小情侶對我好好，女嘅摺幸運星畀我，男嘅就成日提醒我小心走光。」
而高志森對有人跌落深槽致歉，他說：「事前已通知所有模特兒同舞蹈員，但漏咗記者，真係對唔住。其實冇乜危險性，因為表演完就會有蓋冚好個台。」
採訪、攝影：HoWingLing