官恩娜（Ella）及黃宗澤昨日於銅鑼灣為服裝品牌擔任模特兒，Ella以四個不同的造型出現，雖然本身是模特兒出身，但她表示行catwalk的經驗不多，故心情十分緊張，Ella說：「因為我本身唔係太高，所以未行過catwalk，佢哋個個model身材都好好，而我呢啲只係假象，唔係真係咁好身材。」
問到Ella對自己身材有何評價時，她說：「我個膊頭比較橫，可能女仔睇番自己會有好多唔滿意嘅地方。」問到Ella與模特兒一起換衫時有否感到尷尬，她說：「我好欣賞佢哋啲身材，但就唔會一齊換衫，雖然以前喺英國讀書時，都有試過同啲鬼妹一齊換衫，但大家都有着底衫褲，唔似入面咁一絲不掛。」
採訪：胡苑君