古巨基前晚在紅館舉行第四場演唱會期間，在舞台跑圈時不慎仆低，又撞翻椅子及失手甩了指揮棒，「蝦碌」頻頻。擔任嘉賓的李克勤出場反應十分熱烈，一度搶了基仔風頭。
前晚開場不久，基仔圍着舞台跑圈時忽然摔了一交，但他儍笑後即起身獻唱，還笑說：「睇我身體幾壯健，咁樣撻低都可以繼續唱。」其後他又不小心撞翻放在台上的椅子，幸及時發現並沒坐下，而基仔指揮棒甩手時亦打圓場笑說：「今晚你哋特別抵錫，前兩晚冇得睇㗎。」
而基仔與嘉賓李克勤在台上相擁時竟再次失手，更嘴對嘴錫了一啖，十分惹笑。克勤自言與基仔有不少相似之處，他說：「大家都鍾意波，我鍾意真波，落場踢，佢鍾意假波，喺屋企打機。」克勤還爆基仔無論開心與否都喜歡哭，就如有次對方在他家中打牌贏了一鋪十三么，竟也開心到喊。