尷尬情侶檔　Encore索千萬
LisaS.想隆胸　吳彥祖：講笑咋？

吳彥祖與模特兒女友LisaS.昨日首次同場為LV宣傳新表，LisaS.笑言除非有一千萬酬金，否則下不為例。而吳彥祖對女友有意隆胸表示不知情，更說：「佢講笑咋？」

超級名牌LouisVuitton推出第二款手表系列SpeedyWatch，昨日在中環舉行發布會，請來吳彥祖任特別嘉賓，其名模女友LisaS.則任示範模特兒，兩人變相情侶檔演出。兩人初時頗尷尬，其後亦大方合照，更甜笑擺甫士。
LisaS.透露活動前一晚才得知與男友同場，情侶檔亦沒有酬金加，她說：「我同佢嘅工作係分開、好獨立，今日大家身份都唔同，都唔緊要啦。」但她揚言拒絕再同場，她說：「唔好喇，將感情同工作掛鈎係令人唔舒服，不過，我係一個猶太人（意指吝嗇），如果有一千萬，就係好大嘅例外囉！」

升Cup增加收入
提到MaggieQ早前表示吳彥祖太俊朗性感，令她缺乏安全感而分手，對此LisaS.大表認同說：「係呀，佢成個人都好性感，由個腦、個心到全身都咁sexy，不過我就唔會因此冇安全感。」
而LisaS.前晚與陳小韻出席Lancome活動時，揚言六、七年前曾想過隆胸至34B，藉此多接泳衣及內衣騷，LisaS.說：「啲男人成日話大小唔緊要，fit到隻手就得，其實全部係廢話！」

「點好係我秘密」
而吳彥祖昨日對LisaS.隆胸之說回應：「佢講笑咋？我唔知喎，其實我睇女仔係睇性格，唔係睇胸，大胸細胸我都冇特別喜好。佢個人性格幾好，但點好係我秘密，費事講咗俾人搶走。」而重提MaggieQ，吳彥祖則一臉不悅地說：「都五年啦，重提？」
採訪：RitaLeung
攝影：IpKwanHoi