方力申最近獲委任為「2005國際書信寫作比賽」的宣傳大使，昨天他到香港國際機場的空郵中心，與一班學生分享寫信樂趣。
方力申表示曾寫情信給女友，他說：「我啲字太肉酸，所以感動唔到佢，佢重叫我抄copybook。而我出外地嘅時候，都會寫明信片寄畀自己，好似上次奧運會我就寄咗一張番屋企。」
對於有報道指Twins的鍾欣桐及蔡卓妍因分別與方力申和鄭中基傳緋聞，所以在公司失寵，方力申說：「唔知呀﹗但如果Twins𠵱家有好多工作，個傳言咪自破囉！我唔相信有咁嘅事，大公司藝人唔會因為呢啲嘢而失寵。」
方力申曾在其他雜誌訪問中，表示喜歡阿嬌這類型的女孩子，若拍拖更會視對方為結婚對象，方力申說：「我同佢（阿嬌）只係好朋友，我只係話如果我拍拖，會視個女友為我結婚對象，因為我心理上已準備好結婚生仔，只係經濟能力未得啫！」
採訪、攝影：王連連
