自從班大狀齊齊出嚟參政，重成立四十五條關注組之後，本港政壇明顯出現咗變化，八方聽聞，中央目前對四大狀，即係湯家驊、余若薇，吳靄儀同梁家傑嘅意見最重視，因為覺得佢哋比民主黨同大班較為講道理。當然今次班大狀死都要堅持老董嘅接任人要按基本法辦事，任期為五年，北京都好頭痕，未諗到計仔可以解困。
睇個樣都知道，要說服湯大狀等人一啲都唔容易，至於鄭大班就俾一單領匯打沉，馬丁就因為未瞓醒講咗要釋法俾人將軍。咁呢輪白鴿黨真係好黑，一次又一之俾范太否決佢哋提出有關老董辭職嘅休會辯論，達仔同八方講，范太真係好離譜，佢一定唔會就此罷手㗎。
傳真︰2623-9278
電郵︰[email protected]