不認不認還須認，董建華遲來的辭職聲明，除令人感慨，也沒有甚麼可喜之處，特別是傳統的左派，七年半下來竟然由曾蔭權接掌特區，而且成件事關照都冇關照一聲，所以特別谷氣。
據知，在特首辭職事，左派近日受到訓示，唔准公開講，因為唔想臨門有失，亦怕刺激董建華──畢竟重要防佢失控，所以佢哋後來雖然四出放料，但左派傳媒就唔敢提。
不過佢哋都唔係冇做嘢，即如近日全城焦點在曾蔭權身上，對呢位新紅人，傳統左派媒介就故意低貶矮化，例如登佢張相又細又唔靚。而左派中人，背後亦大講佢是非。呢場戲，主角換咗，大花面亦換埋，以往係民主派大戰董家班，現在變成老左鬥餘孽，肯定更加精釆。
傳真︰2623-9278
電郵︰[email protected]