只承認同葉璇有一手
陳浩民與阿佘生死相許

陳浩民和佘詩曼這對緋聞男女昨日分別在尖沙嘴及旺角出席活動，陳浩民對於佘詩曼與揚明傳緋聞不以為然，還直指阿佘是他的生死之交，反而女方對被視為生死相隨的朋友不太受落。

陳浩民和陳雅倫、姚樂怡等昨日在尖沙嘴出席美容公司開幕記者會，大會原先列出的出席名單包括佘詩曼同陳浩民這對緋聞情侶，不過最後只得陳浩民出現，佘詩曼則到了《第十六屆電視欣賞指數調查——最佳節目頒獎禮》，兩人似乎刻意避免同場出現。

「點會呷醋？」
早前陳浩民在內地拍劇時傳出佘詩曼與揚明譜出姊弟戀，問陳浩民可有昅實阿佘，他說：「我事業為重，而且佢都唔係有好多緋聞啫。」至於有報道指他與佘詩曼及揚明三人一同食飯，陳浩民承認三人曾共膳，但並未感到揚明對阿佘有意。問陳浩民可有為阿佘的緋聞呷醋，他笑說：「冇，點會呷醋呢？佢同揚明係好姊弟，而我同阿佘係好朋友，佢哋嘅親密程度可能比我更深至真。」陳浩民更形容與阿佘是生死之交。
談到早前葉璇自爆曾與陳浩民拍拖，問他是否也視葉璇為生死之交時，陳浩民即說：「我嘅生死之交只係得一個阿佘，而葉璇係曾經交過手，不過喺工作上，但大家已有一段時期冇聯絡。」
另一方面，阿佘避席美容院開幕，只在旺角出席《第十六屆電視欣賞指數調查——最佳節目頒獎禮》，與林保怡及黎姿一起領取劇集《金枝慾孽》獲得的「最佳電視節目獎」，出席者還包括林嘉欣、任賢齊及房祖名等。

「咁賞面呀！」
阿佘對於陳浩民視她為生死之交即笑說：「多謝晒，咁賞面呀！」阿佘強調大家是好朋友之餘，並反問記者何謂生死之交，當得知有生死相隨之意，她即笑說：「生死相隨？嘩！咁嚴重，真係要諗諗。」
採訪：胡比
攝影：陳慧安、陳志嵐