名模周汶錡（Kathy）入行超過十年，近年更嘗試寫書和做主持，去年底又獲台灣微風廣場邀請任代言人，Kathy上月專程去了台灣幾天，更在性感的海報前留影。
而Kathy的模迷會「MyDreamKathy」亦告成立，她昨日接受電話訪問時說：「真係好開心，因為呢個應該係全香港第一個模迷會，𠵱家有四、五十個fans左右啦，佢哋fans由幾歲小朋友到幾十歲大朋友都有，佢哋好好，好錫我。試過有fans特登飛去台灣攞poster同雜誌收藏，所以我得閒都會多啲同佢哋見面。」Kathy的模迷會將於周日在洲際酒店舉行成立儀式，到時會與贊助商合捐十萬元予東華三院。
採訪：林妙萍