董建華離任在即，唔少巿民透過大氣電波點唱作道別，有人就揶揄他下台如當年的電視劇《輪流轉》般被腰斬；而幫特首理髮四十多年嘅上海理髮師徐伯，只係平淡咁講咗一句：「冇乜特別感覺。」
四十幾年前，年輕嘅董建華跟隨老竇董浩雲到中環威靈頓街嘅舊式上海理髮店剪髮後，就冇再幫襯其他髮型屋，所剪嘅髮型由始至終都係陸軍裝。
特首御用髮型師徐達禮話，四十多年來，董先生理髮習慣都冇變，兩星期剪一次，唔剃鬚，唔洗頭，單剪陸軍裝，「但近年佢身體差好多，頭髮都白晒。」
徐伯又話，佢視董特首為老顧客、老朋友，理髮時從不談政治，大家只係用上海話閒話家常，收費多寡隨特首喜歡。當問及董下台一事，徐伯只吐出一句「冇乜特別感覺。」
（圖）徐達禮師傅話，幫老董飛髮時從不談政治，只係用上海話閒話家常。
傳真︰2623-9278
電郵︰[email protected]