無綫劇集《御用閒人》下周一推出，在劇中飾演智慧過人的鄭少秋，為應付戲內的出浴場面，事前刻意增肥。而如妃鄧萃雯今次則變身青樓俠妓，與其餘十二名妓跟秋官大鬥演技。
無綫新劇《御用閒人》將在下周一（十四日）起緊接《西廂奇緣》的檔期播出，鄭少秋在新劇中飾演皇上助手，文武兼備，經常為飾演乾隆皇的魏駿傑解疑難。而鄧萃雯自《金枝慾孽》大收旺場後，再度演出以清代為背景的劇集，不過今次是飾演一名青樓俠妓。
秋官及楊怡在劇中均有不少出浴戲，秋官更是隔集便有出浴場面，他表示這是入行以來最多出浴戲的一套劇，他說：「劇情講我每次遇難題，就要藉住沖涼嚟諗嘢，人人叫我『排骨秋』，叫咗幾十年，我都話要增肥先肯出浴，不過都增唔到幾多，好彩監製都話效果幾好。」
至於雯女就表示最難忘劇中的公堂戲，她說：「嗰時幾乎日日都係日接夜咁拍，做被審嗰個有對白講都好啲，試過做聽審嗰個真係攰到瞓着，更加要佩服秋官記長對白嘅超能力。」
秋官及雯女均表示對新劇收視有信心，雯女說：「套劇夠晒熱鬧，有輕鬆一面，又有宮廷嚴肅認真嘅一面，最重要係有出名貪靚嘅秋官在旁提點，自己覺得劇中嘅我靚過以前。」
而陳穎妍、梁雪湄、陳琪、陳霽平等則飾演青樓內的十二名妓，不過就被監製徐正康埋怨拍攝期間有失場情況。
徐正康說：「最煩係要集齊十二名飾演妓女嘅藝員，嗰時唔知係咪天氣熱，成日都有人病，成班女仔唔算是非多，不過都有少少爭戲嘅情況，不過就完全配合到要佢哋去取悅秋官同傑仔嘅劇情。」
