方力申（Alex）參演的無綫劇集《甜孫爺爺》收視不俗，令飾演其中一名孫仔的他受歡迎程度大升，日前Alex到科技大學為《英語一分鐘》拍攝外景時，巧遇數十名參觀科大的小朋友，即時被重重包圍要求合照，風頭甚勁。
方力申和曹敏莉近日被委任為英語節大使，二人更會為下月啟播的無綫節目《英語一分鐘》（暫名）擔任主持，日前Alex到科技大學拍攝外景時，巧遇數十名到大學參觀的小朋友，原來這班小朋友都是劇集《甜孫爺爺》的忠實擁躉，故一見「孫仔」Alex即衝上前將他重重包圍，要求合照和簽名，連在場的家長也爭相與Alex合照。
對於被選為英語節大使，Alex表示感到十分榮幸，又指推動英語非常重要，屆時他在節目中會以一種輕鬆的形式教英文。Alex說：「可以拍到呢類型節目我當然覺得好開心啦，因為可以出一分力推動英語。英文真係好重要，我覺得內地同新加坡人嘅英語水平都好高，所以香港人都要提升自己嘅競爭力。」
Alex透露自己曾經對英文十分抗拒，因為小時候曾有不愉快的經歷，他說：「我四歲時因為媽咪要去加拿大生我細佬，咁佢去醫院時我就要一個人去圖書館，初時佢諗住有多啲小朋友陪我啦，點知我當時都唔識英文，身邊啲人講嘢我又唔明，咁我咪成日匿埋好似自閉咁囉。」
不過，Alex會考時英文取得C的成績，其中會話更有A，他指學好英語最重要是多聽多講。Alex說：「學英文唔係在乎去學外國人嘅口音，最緊要嘅係發音準確，多聽多講，放膽去講係好重要嘅。」
