喺樂壇紅到發紫嘅Usher（右二），最近啱啱成為ＮＢＡ球隊克利夫蘭騎士嘅新班主之一，雖然佢只係小股東，不過都好落力咁為球隊打氣。前日佢去咗奧蘭多，睇騎士作客對魔術嘅賽事，喺比賽暫停期間，佢重走出嚟唱番兩嘴，娛樂觀眾之餘亦支持吓班球員。騎士嘅球員見新班主咁有心，所以打波都落多兩錢力，最後當然係凱旋而歸啦。