古巨基前晚個唱請來莫文蔚（Karen）擔任表演嘉賓，牙尖嘴利的Karen以基仔與助手及Stephy的緋聞開玩笑，基仔只好親吻Karen希望對方停口。當基仔與fans對話時，台上器材突然着火，幸好保安及時撲熄。
古巨基前晚的紅館個唱請來好友莫文蔚擔任嘉賓，二人甫見面即互讚對方靚仔靚女，基仔更開心得抱起Karen轉圈，Karen指着戴了白色假髮的基仔說：「乜你一夜白頭呀？」基仔則說：「佢把聲好似梵音，我把聲可以同佢把聲結婚就好。」Karen卻說：「你只要我把聲？要多幾樣嘢得唔得？我好細個已經睇《娛樂新聞眼》，𠵱家仍然好鍾意你。」
基仔表示他與Karen情緒低落時，都會找對方傾訴，但Karen竟說：「我真係好想知你究竟要Stephy定Lorraine（基仔助手）呀！」基仔冷不防Karen會拿他與Stephy及助手Lorraine的緋聞來取笑，只好尷尬地儍笑，並搭着Karen香肩說：「你講乜呀？點解你咁樣㗎？你信唔信我錫你一啖呀？」全場即起哄，基仔說：「你唔驚Stephen（馮德倫）呀？你等陣使唔使返去頂痰罐？」Karen大叫不要及嗌救命，結果基仔還是親吻了她的粉臉。事後Karen說：「我知佢啲緋聞係流料，先攞嚟搞下氣氛。」
後來基仔與歌迷說話時，部份觀眾突然大叫，基仔說：「唔好嘈啦！」然後轉身一望，才發現台上的器材着火，他即睜大眼說：「原來你哋叫火燭！」一名保安即衝上台撲熄火種。當基仔與歌迷握手時，有歌迷拉扯他的腰帶，令他甩褲、露出白色內褲，基仔尷尬笑說：「呢條係打底褲，好彩有着打底褲啫！」
採訪：胡比
