董建華再上京，去留已定。呢單嘢搞咗差不多兩個禮拜，好多人頭都大埋，例如警方。
事緣警方巨資興建嘅新警政大樓，擇定今個禮拜六吉日上晝十點半吉時正式開張，呢件警隊大事，當然要搵個人主禮同埋立碑，於是兩三個月前請咗董生做嘉賓，重刻好佢個大名落去個落成牌匾上，點知……
咁董生唔嚟，都要有人主禮。邊個？當然係最紅嘅煲呔啦，就算要刻過個名，冇所謂啦，反正趕得切。而煲呔亦應好樂意，咁大幢樓由自己揭幕，好威啫。唯一可惜就係呀細佬退咗休，否則兩兄弟齊齊影張相，夠晒光宗耀祖囉。
傳真︰2623-9278
電郵︰