中央下定決心郁老董，但係想扶正港英餘孽煲呔曾就遇上唔少困難，因為實在唔知佢信唔信得過，所以畀煲呔試兩年工；重有北京都驚如果煲呔一做五年，民主派會嘈話北京想避開○七、○八爭拗，乘機博懵。
點知民主派一於唔領情，話要按《基本法》本子辦事，即係新特首一係唔做，一做要做夠五年。如此一來，北京就真係唔知點算好，釋唔釋法一樣會俾人鬧。
白鴿黨主席李永達認為北京只係因為要擺平左派，所以唔敢畀煲呔做五年，咁按自己需要解《基本法》點得呢。老董下台，白鴿黨表示歡迎，認為呢個係人民嘅意願，不過，佢哋都補充話咁唔等於香港民主已經成功，反而港人要加倍努力，維護高度自治嘅承諾。
至於煲呔，達仔噚日喺立法會已經同佢約法三章，升咗做特首後如果要抦民主黨立功，記得事先通知聲，煲呔梗係𠵱𠵱哦哦，猛話達仔估錯。
（圖）楊森拍住現任主席達仔膊頭，唔知係咪叫佢加把勁。
傳真︰2623-9278
電郵︰