張栢芝前日穿上高跟鞋拍廣告時不慎拗柴，不僅令膝蓋紅腫，更傷及左腳韌帶。昨日栢芝手持兩支柺杖，在母親和姊姊陪同下到中環看醫生，當其母着她戒口時，栢芝卻堅持要吃辣。
張栢芝昨午四時與母親、姊姊和助手在中環蘇豪區出現。現場所見，穿上短褲的栢芝在左膝位置裹了繃帶，手持兩支柺杖步行，其母則在旁攙扶她，栢芝表現得舉步維艱，神色痛苦。
栢芝遇上記者時，即道出受傷原因，她說：「我噚日拍廣告要着裙同高跟鞋，唔小心扭親，初頭我以為冇事，後來膝頭哥腫晒，頭先我咪去睇醫生囉，醫生話我韌帶傷咗，菠蘿蓋腫咗，隻腳都屈唔到。」
其後栢芝姊姊先駕車到停車場泊車，母親則陪栢芝在一旁慢步等候，其間栢芝難抵痛楚，忍不住坐到路邊花槽休息。
問栢芝受傷後會否影響工作？她說：「嚟緊都係錄音，唔緊要，係有個廣告要拍，再睇吓點啦，我陣間都要去set頭，又要拍廣告。」
這時栢芝媽咪叮囑女兒要戒口，栢芝即反抗說：「唔得呀，要食辣。」栢芝母拿她沒法，便着記者幫口勸栢芝戒口，十分搞笑。
栢芝說：「媽咪係擔心我，之前嚇死阿媽呀，佢以為我做嘢整親㖭，後尾知係扭親吓至放心啲咋。」栢芝母親又指女兒弄傷腳就不應穿褲子，栢芝卻對她說：「梗係着褲啦，着裙趴街咪走晒光？」接着栢芝姊姊到場會合妹妹和母親，一同登上的士再到位於附近的髮型屋，陪栢芝理髮。
採訪、攝影：娛樂突發組
