本欄是勞工處與《蘋果日報》合辦，逢星期四刊出，旨在為勞資雙方解釋有關僱傭問題，如僱主或僱員有任何疑問，可致電勞工處熱線：27171771查詢，此熱線會由「1823政府熱線」職員接聽。
老謝：亞陳，呢排見你請人，係唔係想開多幾間舖呀？
亞陳：我都想呀。之不過係因為有個夥計，月底開始放成三個幾月嘅產假同年假，加上呢排生意好咗啲，人手唔係好夠，所以要請番多個人做半年幫吓手啫。話時話，今朝見咗一位都幾好。
老謝：咁你簽合約未？
亞陳：唔使啩！我請佢做幾個月，做乜要咁麻煩喎？況且，我哋呢啲生意仔，人手又唔多，唔使嘅。
老謝：咁又唔係咁講。雖然《僱傭條例》話，僱傭合約可以用書面或者口頭方式訂立，但係簽合約對大家都有保障，萬一有拗撬，好過口講無憑，重有傷和氣！
亞陳：做乜你咁勞氣呀？
老謝：話你知啦，我以前都係以為公司細，所以就貪方便，冇同啲僱員簽合約，連啲人工同假期紀錄都冇做好。點知上幾個月，有個短期合約嘅員工完咗合約走嘅時候，話我計少咗津貼同假期畀佢，最後咪去咗勞工處囉。
亞陳：咁我應該點樣做呀？
老謝：你快啲去勞工處勞資關係科嘅分區辦事處，攞本『使用書面合約及備存工資和僱傭紀錄』小冊子嚟用啦。又或者你直接上勞工處嘅網頁
以上資料只用作說明《僱傭條例》的相關條文，對於法例的詮釋，應以《僱傭條例》為依據，如有爭議，則以法院的判決為最後依據。
資料提供：勞工處勞資協商促進科
服務熱線
電話：29908288
傳真：23702192
電郵：