久未在亞視出現的楊恭如和陳庭威，昨天回娘家為《一生愛打拼：我來自潮州》劇集宣傳，大會安排楊恭如坐轎出場。陳庭威顯得十分雀躍，更擺出不同甫士拍照，豈料正接受攝製隊訪問的楊恭如突然大叫：「你唔好咁嘈啦！」場面搞笑。
楊恭如又坐在中國樂器面前拍照，身後多位樂師大獻殷勤，有一位更從她身後捉着她的手指導。楊恭如近來主要在上海拍攝內地劇集，她說：「九九年滿約後就冇返過嚟，亞視冇乜變，我同佢哋講過如果搵我拍劇，我一定會度期。」問她在內地可遇到意中人？楊恭如說：「實有人追，但唔夾，事業為重，愛情就順其自然啦！」
至於陳庭威亦密密拍內地劇集，他說：「阿媽𠵱家唔會催我結婚，但就問我幾時生仔，但我唔鍾意咁。就算再老啲先結婚都得，好似科學家楊振寧咁囉，我重有心有力。」
採訪、攝影：王連連