鄭中基（Ronald）日內與導演谷德昭開拍搞笑電影《龍咁威II》，女主角是Cookies的Miki，早前二人跟隨詠春師父黎應就練功，因為Ronald今次不再扮女人，而是要動硬功夫，實行做個真漢子。
鄭中基於年前以電影《龍咁威2003》奠定香港影壇新一代笑匠地位後，日內將與導演谷德昭合作開拍《龍咁威II》，繼上次找來Cookies的Stephy任女主角後，今次女角人選則同是Cookies成員的Miki（楊愛瑾）。
今次Ronald在片中仍是飾演龍威，但不再是有錢二世祖，而是在農村出身的鄉下仔，他之前以扮女人搞笑，今次則與Miki都是扮演有武功底子的警察，實行做個真漢子，以真功夫搶鏡。
早前Ronald、Miki及有份演出的李燦森及張達明，四人一同跟隨詠春師父黎應就練拳，他們由起初雞手鴨腳練到出手有力，姿勢也有板有眼，還被師父大讚有潛質，Ronald說：「黎師父好犀利，佢以前都係拍戲，做過導演㗎，喺詠春界係高手，我哋上咗八堂，每堂學幾粒鐘。其實上集我都有打，但唔算係真功夫，𠵱家我練得一身好武功，千祈唔好搵我撩交打呀。」
Miki則對此說：「傳說話詠春係女人創立嘅，師父都讚我打得好柔，唔係拍戲都冇機會學，我愈打愈有興趣。」Miki謂今次有幸做女主角，壓力也頗大，但自己絕不會與Stephy比較。
Ronald又透露今次請來不少搞笑前輩助陣，其中上集飾演其父的羅家英也繼續客串，Ronald說：「佢一樣都做我老竇，我同家英哥合作好有火花，佢教識我好多嘢，我知佢身體唔好，但我哋都覺得續集冇佢會爭咁啲，所以誠意邀請佢再拍，導演會就佢檔期同身體狀況嚟拍。」
採訪：蔡如玉
