國泰航空噚日公布去年賺咗四十四億幾，屬於歷來第二佳績。為咗同員工分享成果，噚日決定向員工發放六千蚊或者半個月糧（以較低者為準），另再加多十五日糧作為花紅，加埋年初已經發咗嘅第十三個月糧，都算係咁啦。
不過，對於高院較早前裁定，國泰暫停員工跳薪點屬違反合約，新任行政總裁陳南祿三緘其口，話公司重研究緊判詞；又話今年預咗請千五人，至今請咗數百人，年底前會請多一千人左右。
國泰業績好的確係喜訊，但原來新任主席唐寶麟最近有親人去世，暫時返咗英國料理家事，八方藉此問候唐主席，希望到股東會時見到佢精神奕奕主持大局啦。
傳真︰2623-9278
電郵︰