陳豪、陶大宇、廖碧兒、向海嵐及蘇志威等一班《心花放》演員，昨日在將軍澳舉行祝捷會，慶祝該劇最高收視達到三十三點（約二百一十六萬人次），陳豪與大宇更即場表演「香蕉射球」。
陳豪與廖碧兒這對緋聞情侶，為求有高收視，不惜再借緋聞過橋，廖碧兒說：「如果個劇最高收視有四十點，要我哋咀都唔介意，反正喺戲入面都有咀過。」
眾藝員並即場寫下承諾書，大宇承諾若最高收視有三十五點就請食魚翅，而身在泰國度假的郭可盈亦即場致電表示若收視有三十六點就扮汪明荃唱《熱咖啡》兼跳熱舞，陳豪就任人咀。
此外，對有報道指梅艷芳的遺產託管人，將向阿梅生前債仔展開追債行動，蘇志威回應說：「由MuiMusic第一日到阿梅走咗，公司盤數由我睇，阿梅開私人支票，我冇理由會知，但公司每一條數我都好清楚，公司轇轕唔想講，如果託管人有需要會去幫，我同阿梅做咁耐嘢一毫子都冇收過。」
