康文署署長王倩儀噚日請傳媒春茗，話題離唔開西九。王署長即場叫大家投票，睇吓有幾多人支持單一招標，結果梗係意見不同。八方笑話，煲呔呢輪掛住做特首，邊重有時間理西九，月底到期嘅諮詢肯定延長。
老董下台又好，煲呔上場又好，王倩儀話，對公務員都冇乜影響，因為佢哋都係咁做，但係如果真係今個星期日先宣布，就撞正「走向盛唐」展覽嘅開幕禮，咁就唔係幾好。王署長又唔使太擔心，因為當然直到噚日為止，都冇人知幾時有宣布。
王署長又話，由於掃書黨都好明目張膽，佢哋考慮緊加小小管制購買義賣書本嘅數目，當然好似城中富豪李嘉誠咁出埋錢重印本《寫給年輕人的簡明世界史》捐俾各大小圖書館，八方估，王署長都無任歡迎嘅。
（圖）西九做唔做得成重有好多變數，不過，今次咁搞一搞，又真係多咗好多人關心香港嘅文娛設施。
傳真︰2623-9278
電郵︰