潮界萬事通「猩猩舞王子」身兼數職，做事搏殺，可惜最近被醜聞纏身。好彩有人讚佢鏡頭前身懷長物，不過唔知笑佢定真心稱讚？一個人經常有是非見報，可能係命犯小人，亦可能後天性格造成。水貨界猛料線人「UA強」憶述早前在原宿關於猩猩舞王子的小插曲：「嗰朝早喺木材舖附近間MiloShop，又有人龍出現，大家正準備排隊買KAWS×MILOT恤，話晒Milo第一次出KAWS嘅嘢，香港水貨佬同日本排隊黨都非常緊張，加上每人只限買一件，唔少人準備排多兩轉，務求最短時間內入多兩件賺多啲。開售時，人龍去得很流暢，點知冇耐，人龍久滯不前。我打手提問吓正在舖裏面個日本老友發生咩事？佢話有個香港嚟嘅白面仔在舖頭內生事，問店員好多無謂嘢，明明人哋賣緊T恤，佢就問人有冇Cap帽賣？擾攘咗20分鐘，後面班排隊黨開始鼓譟，店員發現唔多妥，立即打電話上Office求救，最後惟有畀個8折安撫呢位港人，叫佢冇咁多人嘅時候再嚟慢慢揀。我心諗邊位香港旅行團友咁唔生性，呢個時候嚟搞搞震阻住搵食？走去龍頭前裝吓，哈，之唔係就係猩猩舞王子囉！啲行家問佢乜你啲Ape唔係全部Nigo畀嘅咩？做乜要嚟親自排隊買？佢嘴喵喵冇講嘢就走咗。」一個是非就這樣誕生了。
主持人：大食Jack
八卦熱報：[email protected]