日前，新一代福特Focu車系終於正式踏足香港，今勻本地代理商策略好正確，不但無過於標榜Focus係高人一等的歐洲車貨色，而且定價重好合情合理，拍貼日本家庭車定位。全新Focus1.6公升（100匹）五門Hatchback頂級Ghia版，不過賣16萬5千，既有Adaptive自動轉向頭燈、4前速半自動波箱、電子主動式ESP，又有四輪高效能碟煞、ABS連EBD之餘，新Focus在歐洲NCAP撞擊測試中，重奪得最高5星評分，又豈止一般日本車可比擬。據總舵手LeoardCheng透露，除打頭陣五門Hatchback的Focus到港外，遲啲四門版Focus亦會入主本地市場，若然車價吸引的話，確實不難在貴價的歐洲中型轎車，以及價廉的日本車之間找到駐腳地。
記者：陳偉林