今年香港可以講非常熱鬧，先有呢個月搞嘅國際七日欖球賽世界盃，然後係七月搞嘅國際獅子年會，跟住就係香港迪士尼喺九月開幕，而重頭戲就係年尾嘅世貿部長會議。
警隊內部刊物《警聲》噚日就報道話，警方為咗世貿會議可順利舉行，警方高層喺上個月搞咗個講座，向九百名總督察至助理處長級嘅中高層前線人員講解呢次警隊歷來最大規模嘅保安工作，喺個講座度警方主要向前線人員講解反全球一體化示威團體採用邊啲嘅伎倆，同簡介武力使用層次嘅最新發展等。
八方知道，警方重會舉行多兩次呢類講座，希望提升前線人員對世貿會議嘅認識。另外，警隊王牌飛虎隊同機場特警又會喺下個月舉行新一期訓練，有志成為新一代嘅飛虎雄師嘅警員可以申請。
傳真︰2623-9278
電郵︰