王菲經理人陳家瑛、黃伊汶、吳君如和葉麗儀等，昨日在中環出席香港乳癌基金會的活動。有傳王菲今年跟男友李亞鵬結婚，日前李亞鵬胞兄李亞偉接受內地傳媒訪問時，更親口證實其弟與王菲在北京忙於籌備婚禮，陳家瑛透露王菲已返港，她說：「咁希望快啲有好消息，咁好大件事。」
問陳家瑛會送甚麼禮物，她說：「未諗，我會破產。」有報道指王菲會退出，陳家瑛說：「唔好講到咁嚴重，佢重有幾個廣告做緊，只不過減產，因為舊年同前年都好辛苦，今年盡量做少啲工作，放鬆啲，畀多啲私人空間佢。」
此外，吳君如表示都有定期往驗身，檢查乳房，她說：「身體唔係淨係對自己負責，都要對家人、男友、老公同愛錫自己嘅影迷負責。」問君如可有教男友陳可辛怎樣檢查胸部，她即說：「呢啲嘢自己可以搞掂，舉手之勞啫。」
採訪：卓美娟
攝影：陳慧安
