長和孖寶早段跌過一陣，下試1月份底部，成功咗。個市少咗兩個秤鉈，輕易彈番上去，恒指升109點，期指升夠144點。又有有心人想個市好，推高中移動（941），中移動收25元，升0.50元，拉高恒指32點，成交銀碼由4.4億大增至7.3億。有支大柱撐住，個市可以再上，恒指再破萬四。
滙控C輪4445：滙控（005）喺英美市場成交再縮，沽壓減少，現價再跌機會唔大，收129元，升0.50元，第1熱門C輪4441行番上去，收40.5仙，升幅5.2%。第2熱門C輪4445收27仙，冇升冇跌。4441幾時都抵買過4445，但𠵱家想博高啲回報，就要轉買4445。4445喺6月初夠鐘，溢價負0.2%，槓桿率47.8倍（有效25.7倍），勁到爆炸，引伸波幅10.2%，發行量1.68球，街貨73球（前日），昨日成交115球，好多即日鮮活動。滙控下周三除息（唔係除淨），有搶息可能，對滙控C輪有利。
長實C輪3560：新地（016）升1.5元，C輪3912升16%，4643升27%。新地升，長實（001）都應該受到帶動，尤其係下試1月底部成功後，走勢更加有得睇，收70.75元，升0.75元，主角C輪3560由17.4仙升上18.8仙，未跟得足，要買。3560喺6月中到期，溢價4.4%，槓桿率37.6倍（有效15.2倍），引伸波幅19.2%。
中電信C輪4500：電訊股逐隻嚟，中移動領升，中電信（728）收2.925元，升5仙，短炒中電信C輪，揀4500，10月夠鐘，輪價34仙，溢價6.7%，槓桿率8.6倍（有效5.3倍），引伸波幅30.3%。
章盛