二○○三年7.1上過街遊行嘅香港人，都會記得當日阿牛曾健成背住三個公仔包括葉劉、阿松同老董上街，結果到咗今時今日，三個人都差唔多全部下台，八方問阿牛有乜感想？佢話當然係五十萬人上街嘅成果，但可惜老董唔係俾港人罷免，而係俾中央炒魷魚，一國兩制受破壞，影響深遠。
阿牛話，唔明白曾蔭權點解咁沾沾自喜，吹住口哨見老董，因為佢兩個邊個做特首都冇分別，都係中國傀儡，只係一個肥啲，一個瘦啲。
阿牛同煲呔應該同姓三分親，不過佢就講明，除非煲呔上台後聲明會盡快推行普選同埋搞政黨法，咁佢就寫個服字兼退出江湖；否則如果佢心甘情願做傀儡，咁就有辱祖宗，唔好姓曾，改姓曾經個「曾」啦。
（圖）行過7.1遊行嘅香港市民，都應該會記得阿牛炮製嘅呢三個公仔。
傳真︰2623-9278
電郵︰