政府𠵱家笠笠亂，下星期嘅預算案分分鐘冇人讀。
民主黨嘅單仲偕斷估，唐唐點都係會留任，就算留任都唔會亂派糖，搞亂煲呔個檔，當然今年經濟情況改善，唐唐梗係會派啲糖嘅，話唔定會延遲一年先至加薪俸稅，畀中產有啲喘息空間。
單仲偕又建議，應該加多個「子女教育免稅額」，幫啲仔女讀緊直資學校、喺外國讀書、讀副學士等等嘅家庭，每個仔女嘅上限係四萬蚊。單仲偕好坦白話，佢個仔讀緊直資學校（男拔），如果可以有免稅額，佢同好多類似處境嘅中產都可以幫補下，預計每個人可以慳番六千幾蚊，政府夾埋都係少收幾億稅啫！
傳真︰2623-9278
電郵︰