一眨眼，「法國印象派繪畫展」已經喺香港藝術館展出咗個多月，館長鄧海超噚日安排班傳媒朋友去參觀。
八方對印象派嘅畫一知半解，但係都聽過馬奈（Manet）、德加（Degas）嘅大名，鄧館長就話，其實呢個時期嘅作品好反映當時嘅社會狀況，因為工業革命之後，多咗好多中產階級，佢哋部份追求人生快樂同埋真實生活嘅一面，所以啲畫嘅顏色都好鮮明。
個畫展到下個月十號結束，到目前為止已經有超過十一萬人次嚟過，不過，展覽唔會延期，未睇就要快。
（圖）香港藝術館館長鄧海超噚日親自講解法國印象派名畫，重大讚港人睇畫好守規矩。
傳真︰2623-9278
電郵︰