自由黨副主席周梁淑怡噚日戴住個茶鏡，出席政協會議，鬼咁風騷，雖然中國未正式公布老董下台嘅消息，但係周梁已經好大方咁話，新嘅特首有權決定行會班子，梗係啦，煲呔最多肯照收容番班問責高官，以免佢哋冇咗份工，冇理由一定要回收振英哥佢哋做智囊。
行會睇嚟一定有變，本來大家以為老董都要向佢嘅智囊交代吓，點知為免同兩會撞期，行會今朝早休會，所以周梁唔使趕返香港，不過，佢同田少都預咗要兩頭走，因為周三立法會要辯論功能組別存廢，都好大件事，所以一定要返港坐鎮。
除咗自由黨中人之外，民建聯嘅馬力同曾鈺成都要趕返香港，當然唔少得主席范太啦。
（圖）阿董未落台，周梁淑怡已經好大方咁話，新嘅特首有權決定行會班子。
傳真︰2623-9278
電郵︰