雖然到噚日為止，都冇任何官方人士出嚟承認老董已辭職，但係大家都當晒佢一升上政協副主席神枱位，就會劈炮唔做特首。
選管會主席胡官一早話咗時間係緊迫咗一啲，要補選都冇問題，不過，為免尷尬，胡官哋都唔敢輕舉妄動。八方聽聞，總選舉事務主任林文浩本來以為今年冇大件事，可縮減人手，𠵱家就可能要加。
講番個特首普選，唐家璇同許崇德噚晚一錘定音話如果特首出缺，「新的行政長官」只可做埋餘下任期，即係兩年半，大家都差唔多講得好白，補選在所難免，咁就真係要計得準啲啦。
係人都知，選委會嘅任期到七月十三日就完結，「新的特首」要喺宣布出缺後第一百二十日選出，重要係星期日（或者最近嘅星期日），咁由710倒數至313，剛好係一百二十日，即係「新的特首」會係710舉行選舉，而宣布特首出缺嘅最後限期係313，又會咁啱嘅。
傳真︰2623-9278
電郵︰