有啲內地法律學者話，老董繼任人嘅任期係五年定係兩年，就要睇吓老董咩原因辭職，如果係健康問題，咁繼任人最多做兩年。與老董相同年紀嘅馬丁話，如果實情係咁，即係話下任特首做幾年原來係由老董決定，佢一定會要求老董提交驗身報告，睇下老董究竟有乜健康問題。
馬丁又話，點都冇可能繼任特首得兩年做，如果呢兩年唔叫做一任，咁係咪新特首可以做夠十二年，因為頭嗰兩年唔算數，淨係後嗰十年先至叫兩任？所以話，如果跟內地嗰套理解，特首分分鐘可以做多過十年，呢個同大家嘅理解，特首唔可以做多過十年有好大出入！
（圖）馬丁好質疑下任特首做幾多年係由老董決定呢個原則。
傳真︰2623-9278
電郵︰