九巴後人雷兆光和太太林靜怡（Jane）前晚出席腕表品牌活動，Jane是去年十二月中產女後首次公開露面。Jane本自言「兩個夠晒數」，但前晚她卻笑言想再生多一個BB，實行支持政務司司長曾蔭權「生三個」的言論。而愛狗如癡的傅明憲，則連生仔都定在明年的狗年。
九巴後人雷兆光林靜怡夫婦前晚出席周國勳所代理的腕表品牌FranckMuller於數碼港舉行的大型派對，名人空群而出，包括毛玉萍、何超瓊、馬錢慧儀夫婦、傅明憲、盧恬兒、名模Danielle、楊其龍和周倩圮等。
愛狗如癡的傅明憲在前晚的FranckMuller派對上，除談到早前參加了馬尼拉的十公里競跑外，還謂希望明年狗年生狗仔，傅明憲說：「為咗呢個競跑秘密練兵半年，參加係因為想挑戰自己。」問她有否效法好友葉梁美蘭積極造人時，她說：「自己希望可以喺狗年生狗仔。」而昨日在香港賽馬會跑馬地馬場舉行的「至叻星動物步行日2005」，傅明憲也有帶着心愛的狗仔出席。
至於身穿Prada外套的Jane，去年十二月中產下女兒Jacquline與兒子Jeremy湊成一個「好」字，前晚看她身形苗條，收身成績不俗，她說：「未生之前重咗二十磅，𠵱家重欠八磅未減，ＢＢ女嘅中文名要等蔡伯勵改，ＢＢ女眼睛似我。」
問Jane是否「兩個夠晒數」時，她說：「生女嗰晚我發誓唔會再生，實在太痛，但生完之後抱住個女時真係好開心，真係想再開工生多個，至於生第三個，係仔定女係天意。」
Jane還表示因囝囝呷醋，故她甚少為女兒拍照，她說：「有時同個女影相，佢（指囝囝）會遮住鏡頭，或者攝住同妹妹合照，所以我有時要匿埋同囡囡影相。我覺得囝囝嘅心情好mix，平時好鍾意妹妹，但我哋抱住妹妹時，佢就話要掟個妹落街。其實生之前我已經同佢解釋過，已經錫咗佢四年，𠵱家要將啲愛帶畀妹妹。」
採訪：JessicaNgan
攝影：RickyIp
