董建華仍然唔肯講係唔係落台，下屆特首大熱人選政務司司長曾蔭權，呢幾日亦十分低調。曾司長個細佬、警務處前一哥曾蔭培噚日出席香港愛護動物協會舉辦嘅動物步行日，把口同佢阿哥一樣咁密，對政治、老董嘅嘢一律唔講。
不過，呢位前一哥就猛咁同八方講佢嗰兩隻貴婦狗Honey同埋BoyBoy嘅不幸遭遇。佢話年屆十四歲嘅Honey做完小手術，啱啱好番；至於隻BoyBoy都唔好得幾多，曾蔭培話傳染咗啲感冒菌畀佢，搞到佢傷風，兩隻狗都好似悶悶不樂咁。好彩噚日下晝陽光普照，希望Honey同BoyBoy曬吓太陽，就可以回復精神啦！
（圖）曾蔭培帶埋心愛狗仔Honey（右）同BoyBoy（左）出席動物步行日，但唔肯評論阿哥曾蔭權會唔會選特首。
李家皓攝
傳真︰2623-9278
電郵︰