港督府繁華可期 - 李八方

  港督府繁華可期 - 李八方

三月杜鵑花開,以往英治時代,港督每年都會開放一次港督府讓市民賞花。九七之後,董建華唔肯搬入港督府,寧願住在嘉慧園多層大廈;令呢間建於咸豐元年、集英日設計特色的權力象徵冷落咗七年半。最慘係何厚鏵,為咗向大佬睇齊,亦要將澳督官邸變埋做禮賓府,幸好佢自己有間大屋住,位置重高過澳督府。
講番港督府,幾個月之後唔知有冇人住番?點解咁問?事關官場流傳,當日董先生決定住嘉慧園,有人建議港督府既然丟空,不如改做博物館,等市民大眾多個去處;點知呢個建議一上呈就被人掟返轉頭,重夾多一句──「董生唔住,你點知將來冇人住?」
七八年前,已咁有遠見,真好嘢。就算來年冇人住入去,上亞厘畢道,都一定繁華好多。


傳真︰2623-9278
電郵︰[email protected]