人人估領袖，有消息者當然知道邊個係欽定對象，一般市民冇內幕貼士，只能憑一己喜好揀。根據新浪網個網上投票結果，截至噚日下晝七點，一共有三二四九人投咗票，其中五成一支持陳方安生做下任特首，曾蔭權的得票就係兩成七。
假如當日陳太忍得，在北京俾人鬧完之後肯吞咗啖氣，就算唔使擦鞋，今日個位都係佢嘅，但世事冇得假如，惟有睇住人家吹口哨，自己暗啞抵。
不過話陳太唔忍得亦未必啱晒。好似前個禮拜煲呔喺白加道官邸春茗，招待全城貴胄，陳太大塞車都去。眼見以前自己間大屋人面桃花，眼見滿場賓客跟紅頂白，真係少啲EQ都忍唔住，何況重要堆起四萬笑容戥人高興呢。
（圖）陳太日前出席政務司司長官邸春茗，見到舊居都笑得好燦爛。
《壹週刊》圖片
傳真︰2623-9278
電郵︰