香港婦女中心協會噚日請咗六個立法會議員講講婦女貧窮嘅問題。有位女士大吐苦水，話每日返工都好辛苦，但返到屋企重要做家務，卿姐聽咗之後就話：「點解淨係要啲女人做家務？」佢重批評啲香港女人「縱壞男人」，搞到啲男人唔做家務，大條道理話女人霸晒嚟做！
卿姐即刻澄清話：「我唔係喺度教你家變！」不過佢都忍唔住鬧啲香港男人，喺外國都係會做家務，但返到香港個人就唔同晒，佢屋企就好君真，除咗請咗個本地鐘點，每個月嚟三次之外，佢兩公婆都要做家務。
卿姐咁惡，搞到隔籬嗰個張超雄都驚咗佢。張超雄即刻澄清，卿姐講到啲男人咁鬼衰，但佢喺屋企係有做家務嘅！
（圖）出席講座嘅有（左起）陳婉嫻、張超雄、劉慧卿、梁耀忠同余若薇，不過都係卿姐最有火氣。
張志華攝
傳真︰2623-9278
電郵︰