官恩娜、余文樂、譚小環和陶大宇等昨早帶同愛貓和愛犬，在跑馬地馬場出席「至叻星動物步行日2005」，而黃伊汶則於下午在同一地點出席「健康寶寶至叻星」比賽。
官恩娜透露其六歲小狗剛做完絕育手術，故未能帶牠出席活動，只好臨時借狗亮相。不過官恩娜昨日卻被一名男fans嚇得花容失色，她說：「呢個男fans跟住我好耐，又話春天已經到，問我點解唔着涼鞋同問我屋企有冇花襪，之後又同我講鴉片戰爭嘅歷史。余文樂叫我小心啲，佢今日要照顧自己隻貓，唔得閒理我。」
而余文樂則透露以前送過貓給女友，他說：「分手之後隻貓都係跟女主人，𠵱家唔會再買寵物畀人，費事好似爭撫養權咁。」至於樂仔的緋聞女友黃伊汶（Emme）亦表示曾收男友送贈的小狗做禮物，她說：「以前喺加拿大讀書時收嘅，後來隻狗都係跟番我前夫（前男友）。」
採訪：卓美娟 攝影：陳慧安
