作為香港反貪大旗手嘅廉署，不經不覺已經成立咗超過三十年，廉署近排出咗本紀念特刊，重溫香港過去三十年嘅反貪歷史，呢本特刊其中一個特色就係以人為本，透過廉署人員同市民嘅親身經歷，講述香港過去三十年嘅反貪歷史，好似現任廉署執行處助理處長陳礎強就講咗個「五元茶錢」故事，佢話七十年代一名窮小販因每日需要畀五元「茶錢」，最終因無力維持一家生計而要將最年幼嘅女送咗畀人養，充份反映貪污嘅禍害。
本特刊重話原來最初有人建議用「反貪污公署」或「貪污罪行調查署」呢啲名，但因為當局嫌未能反映防貪同社區教育工作而無採用，結果最後選咗「廉政公署」呢個名，廉署印咗幾千本特刊，送畀各有關機構同學校，如果市民有興趣嘅話，亦都可以喺廉署網頁下載嚟睇。
（圖）首批獲聘的廉署人員，包括現任執行處助理處長陳礎強（第三排左三）。
廉署提供圖片
傳真︰2623-9278
電郵︰