北京班政協，吹完阿董特首做政協副主席後，再吹佢落台；而最新嘅風，就係吹佢身體唔多妥。呢一個判斷，唔知瑪麗醫院班專家同港大醫學院嘅教授點睇呢？
話說陳永棋引述醫生消息話董生有少少唔舒服，之後曾憲梓話特首老咗好多，頭髮都白埋；噚日又到鄭維健話老董唔係鐵人，七年來累積咁多身體問題，就算係鐵人都冇法捱落去。最搞鬼重係有人話以「七十一」工作出晒名嘅行政長官，宣讀施政報告時條腰痛到要食藥，幾乎企唔起身！
想一個人唔撈真係好易。不過八方記得阿董好似過年前至去過瑪麗驗身，當時話佢乜事都冇，港大醫學院院長林兆鑫重對八方講，話特首身體非常弗。𠵱，咁究竟係政協斷症叻，定係醫生睇病準呢？
（圖）班政協話阿董身體呢樣唔妥嗰樣唔妥，唔通當港大醫學院院長林兆鑫冇到？
傳真︰2623-9278
電郵︰