坐住半個特首寶座嘅煲呔噚日好風騷，佢朝頭早行公益金百萬行，但行咗幾步就走。有記者問佢要做（特首）兩年定係五年？煲呔就唔答，只係同記者揮手，但唔知係咪特登，煲呔揮手時就將啲手指撐開晒，一睇就好似見到個「五」咁，唔知係咪暗示想做五年呢，唔係坊間講嘅兩年？
到咗晏晝煲呔更加開心，個樣好似吹住口哨咁走入政府總部見阿董，見完阿董出嚟後，重喺架車入面向記者攤開晒兩隻手板揮手，一睇就係個「十」字。唔知煲呔係咪暗示，見完阿董之後，佢唔單止要做五年，重要做兩屆，即係十年咁多？
傳真︰2623-9278
電郵︰