昔日曾經露宿街頭的劉賢友，好不容易等到房屋署分配公屋單位，以為可以安枕無憂，奈何近日其睡床卻因使用日久而下塌傾側，令他每晚均要「打側嚟瞓」，他盼獲善長慷慨捐贈一張單人床。
「張床係以前人哋送嘅，其實一年前已經開始爛爛哋，我見重瞓得，就唔想麻煩大家，不過𠵱家一邊直頭塌咗落嚟，成張床褥打側晒，令我好難瞓得着。」五十三歲的友叔歎道。
友叔以往任職毛衫廠，九六年右腳因受細菌感染，護理不善，需動手術切除，出入需靠柺杖助行。友叔失去工作能力，兼且無親無故，一度要在街頭露宿。三年多前得到社工協助，成功申請公屋。
友叔現靠綜援金維生，扣除一千元租金，餘款僅夠應付一日三餐，難以掏腰包購買新睡床，遂向本報求助，另他亦盼有一把電風扇好讓夏天時使用。
「呢度夏天好熱，就算開晒門窗都只係有少少風，有時甚至熱到瞓唔着，希望大家幫吓忙。」友叔期盼着說。
捐款編號：C0363
暖流熱線
電話：29908688
傳真：23702192
電郵：
網址：