財爺唐英年名下嘅「富士晨曦」，噚日響沙田馬場尾場出賽，湊巧同立法會主席范徐麗泰愛駒「另具一格」同場，兩個被喻為特首嘅接班人，先由愛駒來較量一番，唔知係唔係范太冇入場打氣嘅關係，隻「另具一格」只係跑第三，有財爺專程入場打氣嘅「富士晨曦」就順利贏馬。
在場啲馬迷亦好醒目，見財爺入場即時投注「富士晨曦」，結果愈賣愈熱，捧場嘅馬迷都有所斬獲，財爺當然開心，佢話自己都贏咗少少，重話愛駒上仗輸個馬鼻，呢次終於贏番，吐氣揚眉喎！
（圖）財爺唐英年（中）話富士晨曦終於贏番一仗，有種吐氣揚眉嘅感覺。
傳真︰2623-9278
電郵︰