葉璇約滿激動落淚

葉璇約滿激動落淚

無綫劇《西廂奇緣》一眾演員，昨日在銅鑼灣出席「《西廂奇緣》之鸞鳳和鳴囍迎親」，葉璇抵達後顯得心情沉重，鬱鬱不歡，活動開始時一直只站在一旁強顏歡笑，更多次熱淚盈眶。記者問葉璇為何眼濕濕？她說：「最後一次做宣傳，唔捨得。」眼淚隨即奪眶而出，她即時衝入洗手間，嚇得眾人目瞪口呆。

「做演員係感性啲」
問胡杏兒可知葉璇發生甚麼事？她說：「我知，佢好似唔簽約，大家冇機會合作，佢唔捨得。我同佢講唔一定冇機會合作，世事無絕對，我哋之前都有一齊出街，佢都有喊過，佢做演員係感性啲，希望佢出去會有好成績。」
葉璇情緒穩定後，談及最新去向時說：「重有幾個月時間，我好耐都唔會拍劇，唔捨得公司，我六月就滿約，一年前TVB都有同我傾，𠵱家出面都有好多經理人公司同我傾。」
採訪、攝影：楊潔雯

馬國明孭着葉璇（左），吳卓羲則孭着胡杏兒宣傳，十分落力。

在劇中飾演一對的葉璇和馬國明，齊歎一支百力滋，大晒恩愛。